خالد الغندور يهاجم الأهلي بعد الخروج الأفريقي ويتسائل: هل يدير الخطيب؟

أثار خالد الغندور جدلًا واسعًا بتصريحات نارية انتقد خلالها إدارة الأهلي، عقب الخروج من دوري أبطال أفريقيا أمام الترجي التونسي.

وكان الأهلي قد تلقى خسارة مفاجئة على ملعبه أمام الترجي التونسي بنتيجة (3-2)، ليودع البطولة بمجموع (4-2) في مجموع مباراتي الذهاب والإياب.

تصريحات خالد الغندور

وأضاف: “وبالنسبة للإدارة واللاعبين والصفقات اللي مشيت واللي جه مكانها لاعبين اختيار الإدارة مش المدرب، وبالنسبة لغرفة الملابس، وبالنسبة للتفرقة في العقود بين اللاعبين، وبالنسبة لعدم سفر إمام ليانج أفريكانز ورجع لعب عادي بعد أسبوعين، وبالنسبة لزيزو الأهلي واللي جه بعد انسحاب الأهلي من أمام الزمالك وعقده اللي فيه كيد للزمالك واللي بوظ أوضة اللبس بسبب عقده الأعلى في تاريخ الأهلي”.

وتابع: “وبالنسبة لرحيل رامي وبيع وسام أبو علي بعد ما أصر على الرحيل غصب، وأكرم توفيق وأليو ديانج بسبب المغالاة في العقود.. فعلاً يا راجل قول كلام غير ده.. هي كل الفلوس اللي بتترمي في الأرض دي عادي؟ أمال أشرف داري ورضا سليم وجراديشار وكولر اللي بتدفع لهم فلوسهم لغاية دلوقتي واللاعبين اللي جم عندك وما عملتش أي إضافة للفريق ده اسمه إيه؟ إهدار مال ولا إدارة رائعة؟”.

واختتم تصريحاته: “وفين شركة الكورة؟ وفين سيد عبد الحفيظ المتحكم في كرة القدم في الأهلي؟ ولا كابتن الخطيب برضه هو اللي لسه بيدير رغم تعبه؟”.